Կայքը գտնվում է լրամշակման փուլումԿայքը գտնվում է լրամշակման փուլումԿայքը գտնվում է լրամշակման փուլում

Բաղրամյան
առողջության կենտրոն

1967 թվականին հիմնադրված կենտրոնը տարիների ընթացքում ձևավորվել է որպես բազմապրոֆիլ առողջապահական հաստատություն՝ իր ծառայությունների շրջանակում ներառելով առաջնային բուժօգնություն, նեղ մասնագիտական խորհրդատվություններ, լաբորատոր և գործիքային ախտորոշում, ինչպես նաև ֆիզիոթերապևտիկ և վերականգնողական բուժում։

Բժշկական ծառայություններ

Կենտրոնում հասանելի են թերապևտիկ և մանկաբուժական, մանկաբարձագինեկոլոգիական, սրտաբանական, նյարդաբանական, քիթ-կոկորդ-ականջաբանական, ակնաբուժական, մաշկավեներաբանական, ներզատաբանական, վիրաբուժական, ուրոլոգիական, գաստրոէնտերոլոգիական, ռևմատոլոգիական և ատամնաբուժական ծառայություններ, ինչպես նաև այլ մասնագիտական ուղղություններ։ Առողջության վերականգնման և բուժման գործընթացի շարունակականությունն ապահովելու նպատակով կենտրոնում իրականացվում են ֆիզիոթերապևտիկ և վերականգնողական բուժման տարբեր մեթոդներ։

Ժամանակակից ախտորոշիչ հնարավորություններ

Կենտրոնում գործում են լաբորատոր և գործիքային ախտորոշման ծառայություններ, որոնց շնորհիվ անհրաժեշտ հետազոտությունների զգալի մասը հնարավոր է իրականացնել նույն բուժհաստատությունում։
Գործիքային ախտորոշման շրջանակում իրականացվում են էլեկտրասրտագրություն (ԷՍԳ), գերձայնային հետազոտություններ (ՈՒՁՀ), ռենտգենաբանական և ռենտգենոսկոպիկ հետազոտություններ, ֆլուորոգրաֆիա, Հոլտեր մոնիթորինգ, էխոկարդիոգրաֆիա և ֆունկցիոնալ ախտորոշման այլ հետազոտություններ։

Լաբորատոր ծառայություններն ընդգրկում են ընդհանուր կլինիկական, կենսաքիմիական, մանրէաբանական, շճաբանական և բջջաբանական հետազոտություններ։

Տնօրենի ուղերձ

Հարգելի՛ այցելու,

Ողջունում եմ Ձեզ Բաղրամյան առողջության կենտրոն-ի կայքում։ 

Այսօր առողջապահությունը շարունակաբար զարգանում է, առաջ բերելով նոր պահանջներ ու հնարավորություններ։ Մեր կարևոր նպատակներից է այդ փոփոխություններին համընթաց կազմակերպել բժշկական օգնությունը՝ դարձնելով այն հասանելի, վստահելի ու որակյալ։

Առողջապահության համապարփակ ապահովագրության՝ ԱՀԱՀ ներդրման գործընթացում մենք կարևորում ենք բնակչության իրազեկվածությունը և պատրաստ ենք աջակցել մեր այցելուներին՝ նոր համակարգում կողմնորոշվելու և հասանելի բժշկական օգնությունից օգտվելու հարցում։

Բաղրամյան առողջության կենտրոնի տնօրեն
Արմինե Գագիկի Հարությունյան
Իմանալ ավելին
ԱՀԱ
Առողջության Համընդհանուր Ապահովագրություն

Համընդհանուր առողջության ապահովագրություն

Բաղրամյան առողջության կենտրոնը ակտիվ մասնակցում է համընդհանուր առողջության ապահովագրության համակարգին և ԱՀԱՀ-ի շրջանակում քաղաքացիներին տրամադրում է ծրագրով նախատեսված բժշկական ծառայությունների ամբողջական փաթեթը՝ գործող կարգավորումներին և ծրագրի պայմաններին համապատասխան։

Մեր կենտրոնում ԱՀԱՀ շահառուները կարող են ստանալ անհրաժեշտ բժշկական օգնություն՝ առաջնային բուժօգնությունից և մասնագիտական խորհրդատվություններից մինչև անհրաժեշտ ախտորոշիչ հետազոտություններ և համապատասխան բուժական ծառայություններ։ Մենք ձգտում ենք ապահովել, որպեսզի պացիենտի համար բժշկական օգնության գործընթացը լինի հնարավորինս պարզ, հասանելի և շարունակական։

ՀՏՀ

Ստորև կարող եք ծանոթանալ մեր գործունեությանը, ծառայություններին և ընդհանուր ընթացակարգերին վերաբերող հիմնական հարցերի պատասխաններին։