Բաղրամյան
առողջության կենտրոն
Բաղրամյան առողջության կենտրոնը բազմապրոֆիլ արտահիվանդանոցային բժշկական կենտրոն է, որտեղ համակցվում են մասնագիտական փորձը, ժամանակակից ախտորոշիչ հնարավորությունները և պացիենտի նկատմամբ անհատական մոտեցումը։
Մեր կենտրոնի նպատակն է ապահովել որակյալ, հասանելի և շարունակական բժշկական օգնություն՝ մեկ վայրում համադրելով կանխարգելումը, ախտորոշումը, բուժումը և վերականգնումը։
1967 թվականին հիմնադրված կենտրոնը տարիների ընթացքում ձևավորվել է որպես բազմապրոֆիլ առողջապահական հաստատություն՝ իր ծառայությունների շրջանակում ներառելով առաջնային բուժօգնություն, նեղ մասնագիտական խորհրդատվություններ, լաբորատոր և գործիքային ախտորոշում, ինչպես նաև ֆիզիոթերապևտիկ և վերականգնողական բուժում։
Բժշկական ծառայությունների լայն շրջանակ
Ժամանակակից ախտորոշիչ հնարավորություններ
Լաբորատոր ծառայություններն ընդգրկում են ընդհանուր կլինիկական, կենսաքիմիական, մանրէաբանական, շճաբանական և բջջաբանական հետազոտություններ։
Տնօրենի ուղերձ
Հարգելի՛ այցելու,
Այսօր առողջապահությունը շարունակաբար զարգանում է, առաջ բերելով նոր պահանջներ ու հնարավորություններ։ Մեր կարևոր նպատակներից է այդ փոփոխություններին համընթաց կազմակերպել բժշկական օգնությունը՝ դարձնելով այն հասանելի, վստահելի ու որակյալ։
Առողջապահության համապարփակ ապահովագրության՝ ԱՀԱՀ ներդրման գործընթացում մենք կարևորում ենք բնակչության իրազեկվածությունը և պատրաստ ենք աջակցել մեր այցելուներին՝ նոր համակարգում կողմնորոշվելու և հասանելի բժշկական օգնությունից օգտվելու հարցում։
Մեր մոտեցումը
Առաջնային օղակի բժիշկների, նեղ մասնագետների և ախտորոշիչ ծառայությունների համագործակցությունը հնարավորություն է տալիս կազմակերպել բժշկական օգնության ամբողջական ընթացքը՝ կանխարգելիչ այցերից և վաղ հայտնաբերումից մինչև ախտորոշում, բուժում և հետագա հսկողություն։ Անհրաժեշտության դեպքում պացիենտն ուղղորդվում է համապատասխան մասնագիտացված բժշկական հաստատություն։
Բաղրամյան առողջության կենտրոնը շարունակում է զարգացնել իր բժշկական ծառայություններն ու ախտորոշիչ հնարավորությունները՝ պահպանելով իր հիմնական առաքելությունը՝ բնակչությանը տրամադրել որակյալ, մասնագիտական և հասանելի արտահիվանդանոցային բժշկական օգնություն։
Համընդհանուր առողջության ապահովագրություն
Մեր կենտրոնում ԱՀԱՀ շահառուները կարող են ստանալ անհրաժեշտ բժշկական օգնություն՝ առաջնային բուժօգնությունից և մասնագիտական խորհրդատվություններից մինչև անհրաժեշտ ախտորոշիչ հետազոտություններ և համապատասխան բուժական ծառայություններ։ Մենք ձգտում ենք ապահովել, որպեսզի պացիենտի համար բժշկական օգնության գործընթացը լինի հնարավորինս պարզ, հասանելի և շարունակական։
ՀՏՀ
Ստորև կարող եք ծանոթանալ մեր գործունեությանը, ծառայություններին և ընդհանուր ընթացակարգերին վերաբերող հիմնական հարցերի պատասխաններին։
Ունե՞մ արդյոք Առողջության համընդհանուր ապահովագրություն
Ձեր ապահովագրական կարգավիճակը կարող եք հեշտությամբ ստուգել ԱՐՄԵԴ համակարգում՝ ներբեռնելով ԱՐՄԵԴ հավելվածը Ձեր բջջային հեռախոսում (հասանելի է App Store-ում և Google Play-ում): Եթե ապահովագրությունը ակտիվ է, այն կցուցադրվի հավելվածում:
Ինչո՞ւ երեխաներիս տվյալները չեն երևում ԱՐՄԵԴ համակարգում
Երեխայի տվյալները կարող են չերևալ, եթե դրանք դեռ չեն կապվել ծնողի տվյալների հետ կամ կան տեխնիկական խնդիրներ։ Դա կարող եք պարզել՝ դիմելով ԱՐՄԵԴ համակարգի աջակցման ծառայությանը։ Հեռախոս՝ (011) 202033
Ինչպե՞ս կարող եմ ակտիվացնել Առողջության համընդհանուր ապահովագրությունը
Ներբեռնեք ԱՐՄԵԴ բջջային հավելվածը։ Մուտք գործեք հավելված և ստուգեք՝ արդյոք Ձեր տվյալները ներառված են առողջապահական համակարգում։ Գրանցեք առաջին այցը թերապևտի մոտ՝ Ձեր պոլիկլինիկայում։ Այցից հետո ապահովագրությունը ավտոմատ կերպով ակտիվանում է։
Ինչպես ներբեռնել
Ինչպե՞ս կապվել ԱՐՄԵԴ համակարգի աջակցման ծառայություն
Հեռախոս՝ (011) 202033
Կարո՞ղ եմ X դեղամիջոցը ստանալ անվճար Առողջության համընդհանուր ապահովագրության շրջանակում
Փոխհատուցվող դեղամիջոցների ամբողջական ցանկը՝ այստեղ Ամբողջական ցանկ
Ինչպե՞ս կարող եմ անցնել հղիության վարում Առողջության համընդհանուր ապահովագրությամբ։
Անհրաժեշտ է մոտենալ Բաղրամյան Առողջության կենտրոն և գրանցվել գինեկոլոգի մոտ։
Ինչո՞ւ է նեղ մասնագետի մոտ այցելությունը իրականացվում միայն բժշկի ցուցումով։
Թերապևտի կողմից ցուցումը պարտադիր է Առողջության համընդհանուր ապահովագրության ծրագրի շրջանակում՝ Կառավարության N 1979-Ն որոշման համաձայն։
Ինչպե՞ս կազմակերպել նեղ մասնագետի մոտ երկրորդային այցը Առողջության համընդհանուր ապահովագրությամբ։
Բուժման նույն դեպքի շրջանակում նեղ մասնագետի մոտ երկրորդային այց կարող եք գրանցել առանց թերապևտի ցուցման։
Ինչո՞ւ 65+ անձի Առողջության համընդհանուր ապահովագրությունը չի երևում ԱՐՄԵԴ համակարգում։
Սա կարող է պայմանավորված լինել տվյալների թարմացման ուշացմամբ կամ տեխնիկական խնդիրներով։ Դիմեք ԱՐՄԵԴ-ի աջակցման ծառայությանը՝ (011) 202033 համարով։
Ինչպե՞ս կարող եմ գրանցվել Բաղրամյան Առողջության կենտրոնում բժշկի այցելության համար։
Բժշկի այցելության համար կարող եք դիմել Բաղրամյան Առողջության կենտրոնի հեռախոսահամարով կամ Արմեդ հավելվածով։ Գրանցվելիս անհրաժեշտ է նշել Ձեր նախընտրած մասնագետին և այցելության համար հարմար օրը և ժամը։
Ո՞ր բժշկին պետք է դիմեմ, եթե չգիտեմ՝ ինչ մասնագետի կարիք ունեմ։
Եթե ունեք առողջական գանգատներ, սակայն չգիտեք՝ որ մասնագետին դիմել, խորհուրդ ենք տալիս նախ դիմել թերապևտի։ Բժիշկը կգնահատի Ձեր առողջական վիճակը, անհրաժեշտության դեպքում կնշանակի համապատասխան հետազոտություններ և կուղղորդի Ձեզ համապատասխան մասնագետի մոտ։
Կարո՞ղ եմ նույն այցի ընթացքում անցնել բժշկական հետազոտություններ։
Այո՛։ Կենտրոնում գործում են տարբեր ախտորոշիչ և լաբորատոր ծառայություններ։ Հետազոտությունների հնարավորությունը և անհրաժեշտությունը որոշվում են բժշկի ցուցումով՝ կախված Ձեր առողջական վիճակից։
Ի՞նչ հետազոտություններ կարող եմ անցնել Բաղրամյան Առողջության կենտրոնում։
Կենտրոնում իրականացվում են լաբորատոր և գործիքային տարբեր հետազոտություններ, այդ թվում՝ ԷՍԳ, սոնոգրաֆիկ, ռենտգենաբանական և այլ հետազոտություններ։ Ծառայությունների ամբողջական ցանկին կարող եք ծանոթանալ մեր կայքի համապատասխան բաժնում։
Հետազոտությունից առաջ պե՞տք է նախապատրաստվել։
Որոշ հետազոտությունների համար անհրաժեշտ է հատուկ նախապատրաստում։ Նախապատրաստման պայմանները կախված են հետազոտության տեսակից, ուստի խորհուրդ ենք տալիս նախապես ճշտել բժշկից։
Կարո՞ղ եմ բժշկի մոտ այցելել առանց նախնական գրանցման։
Այցելության կազմակերպման լավագույն տարբերակը նախապես գրանցվելն է։ Դա թույլ է տալիս ընտրել Ձեզ հարմար ժամանակը և նվազեցնել սպասման ժամանակը։
Կարո՞ղ եմ ստանալ բժշկական օգնություն, եթե գրանցված չեմ Բաղրամյան Առողջության կենտրոնում։
Կենտրոնի ծառայություններից օգտվելու հնարավորությունը կախված է ծառայության տեսակից և տվյալ պահին գործող առողջապահական կարգավորումներից։ Մանրամասները կարող եք ճշտել կենտրոնի հեռախոսահամարով
Հնարավո՞ր է պատվաստում ստանալ կենտրոնում։
Այո, պատվաստումներն իրականացվում են գործող առողջապահական ծրագրերի և սահմանված կարգերի համաձայն։ Պատվաստման հասանելիության և անհրաժեշտության վերաբերյալ տեղեկություն կարող եք ստանալ թերապևտից, մանկաբույժից կամ ընդունարանից։
Կարո՞ղ եմ ստանալ բժշկական ծառայություն տանը։
Տնային պայմաններում բժշկական ծառայությունների տրամադրման հնարավորությունը կախված է ծառայության տեսակից և բժշկական ցուցումներից։ Տնային այցի վերաբերյալ մանրամասների համար կարող եք կապ հաստատել կենտրոնի հետ։
Ինչպե՞ս կարող եմ կապվել Բաղրամյան Առողջության կենտրոնի հետ։
Կենտրոնի հետ կապվելու համար կարող եք զանգահարել +374 60 652777 հեռախոսահամարով կամ այցելել մեզ՝ Երևան, Բաղրամյան 51/2 հասցեով։
Ինչպե՞ս կարող եմ կարծիք կամ առաջարկ ներկայացնել կենտրոնի աշխատանքների վերաբերյալ։
Մենք կարևորում ենք յուրաքանչյուր բուժառուի կարծիքը։ Ձեր առաջարկները, դիտարկումները կամ շնորհակալական խոսքերը կարող եք ներկայացնել կայքի «Կարծիքներ և առաջարկներ» բաժնի միջոցով։
Ձեր հարցը չկա՞ ցանկում։
Եթե չգտաք Ձեր հարցի պատասխանը, կապ հաստատեք Բաղրամյան Առողջության կենտրոնի հետ։ Մեր աշխատակիցները կօգնեն Ձեզ կողմնորոշվել և ստանալ անհրաժեշտ տեղեկատվությունը։
